“Djajtë e Kuq” të Man. Junajtedit janë duke kaluar më në fund një formë të mirë në këtë sezon, teksa në përballjen e fundit mundën danezët e Kopenhagës, për të siguruar 3 pikët e para në Ligën e Kampionëve dhe tashmë do të sfidojnë në Premier Ligë, rivalët e qytetit, Man. Sitin.
Për sfidën e ardhshme, një koment të shkurtër e bëri edhe tekniku i “Djajve”, Erik ten Hag, i cili për mediat u shpreh se fitorja në Ligën e Kampionëve i ka dhënë shumë besim “të kuqve”, teksa shtoi se tashmë ekipi e di se çfarë janë të aftë të bëjnë.
“Kjo të jep besim, ndeshja tjetër po vjen shumë shpejt. Është një ndeshje shumë e vështirë, pasi ne po luajmë kundër një skuadre të mirë, por ne e dimë se çfarë jemi të aftë të bëjmë. Si gjithmonë, është një ndeshje e veçantë në qytet.
Ne do të jemi gati, jam i sigurt, lojtarët janë që tani të emocionuar. Sidomos tani, në një javë ku Sir Bobby ndërroi jetë, sigurisht që ne do të japim më shumë për të marrë tri pikët këtu”,- u shpreh Ten Hag.
