Dy operacione janë kryer me ndihmën e aparaturës së re Nuss-Procedurë, e cila realizohet me Vats, intervenim kirurgjik në gjoks, për herë të parë në Kosovë.
Shërbimi Spitalor Klinik dhe Universitar i Kosovës ka njoftuar se kjo aparaturë ka hyrë në funksion që nga dita e djeshme, dhe i ka kursyer buxhetit të shtetit qindra e mijëra euro.
“Për procedurën Nuss, pacientët deri ditën e djeshme, janë referuar për trajtim jashtë institucioneve publike shëndetësore. Aparatura e re moderne, e lëshuar në punë ditën e djeshme, i plotëson të gjitha kushtet për intervenime kirurgjike në gjoks”, thuhet në njoftimin e ShSKUK-së në Facebook.
Në këtë rast QKUK, e ka falenderuar Dr. Xhevdet Ademaj, i cili punon dhe vepron jashtë vendit, e që ka ndihmuar të realizohen këto operacione.