Donald Trump do të jetë ish-presidenti i parë i SHBA-ve që do të përballet me padi penale. Akuzat e sakta nuk dihen ende, por çështja është përqendruar në një pagesë me para për një yll pornografik gjatë fushatës së tij të vitit 2016.
Veprimi ligjor kundër Trump e shtyn fushatën presidenciale të vitit 2024 në një fazë të re – ku ish-presidenti është zotuar të vazhdojë të konkurrojë përballë akuzave penale.
Trump i ka quajtur shpesh hetimet e ndryshme rreth tij si të pabaza, duke u përpjekur të ndikojë opinionin publik mbi to duke e paraqitur veten si viktimë.
Ndërsa akuza po afrohej, Trump u kërkoi mbështetësve të tij të protestonin kundër arrestimit të tij.
Trump i ka shmangur prej kohësh pasojat ligjore në jetën e tij personale, profesionale dhe politike.
Si president, ai u fajësua dy herë nga Dhoma e Përfaqësuesve e udhëhequr nga Demokratët, por iu shmang dënimit nga Senati.
