Zëvendëskryeministri i parë, Artan Grubi përmes një reagimi në faqen e tij zyrtare në Facebook ka dënuar aktin e kidnapimit të policëve të Kosovës nga forcat speciale të Serbisë.
Grubi shton se integriteti territorial i Kosovës mbetet i pacënueshëm dhe çështjet duhet të zgjidhen me njohje të ndërsjelltë.
Statusi i plotë:
Me shqetësim po përcjell situatën e tensionuar dhe të nxitur nga Serbia dhe bëj thirrje për ndaljen e provokimeve dhe normalizimin e menjëhershëm të raporteve mes Serbisë dhe Kosovës.
Dënoj ashpër aktin e kidnapimit të policëve të Kosovës nga ana e forcave speciale të Serbisë dhe lirimi i menjëhershëm i tyre ështe hapi i vetëm racional që duhet ndërmarrë pa prolongim.
Palët duhet t’i rikthehen urgjentisht dialogut me ndërmjetësimin e faktorit ndërkombëtar për zgjidhjen e kontestit shumëvjeçar përmes njohjes së ndërsjelltë.
Askush nuk mund të cënojë integritetin dhe sovranitetin e garantuar ndërkombëtarisht të Kosovës.
https://www.facebook.com/ArtanGrubi/posts/pfbid0Ku6Hzi2TMHRJuVAuCAqk3SYSGzVEFWDa58Qs8DvQLrTRwRm9fqwTdBpZyGQWmxa2l?__cft__[0]=AZWjXgxOmaDXsueAg0AB4VlCtEonegE9YGyjiZxEg9ahOe4Dqu0mpHE64L8w1iYZvyVkhMiHyEidA9-BbSWa8ZdOaksAk6I2QoOHRH83r5GjKugs_MgyK3J8bsfxDmJBsVQNrbsoXV4_Is63xWmD8oBOvOzdDMqUw79zPH-yG1DpPo6vQ5uJpEUOpLGrqmaitdI&__tn__=%2CO%2CP-R
